ന്യൂഡൽഹി: സൂക്ഷ്മ, ചെറുകിട, ഇടത്തരം സംരംഭങ്ങൾക്കായി (എംഎസ്എംഇ) തദ്ദേശീയമായ ആപ് വികസിപ്പിച്ചു നാഷണൽ ഇൻഡസ്ട്രീസ് റിസർച്ച് ആൻഡ് ഡെവലപ്മെന്റ് കൗണ്സിൽ (എൻഐആർഡിസി).
എംഎസ്എംഇ മന്ത്രാലയത്തിന്റെ മാർഗരേഖകൾക്കനുസൃതമായി പ്രവർത്തിക്കുന്ന എൻഐആർഡിസി ‘ഇൻഡ് ആപ്’എന്ന പേരിലാണ് പുതിയ ആപ് വികസിപ്പിച്ചിരിക്കുന്നത്. വ്യാപാരികൾക്കു പരസ്പരം ഉത്പന്നങ്ങളോ സേവനങ്ങളോ വാങ്ങുകയും വിൽക്കുകയും ചെയ്യുന്ന ഓണ്ലൈൻ പ്ലാറ്റ്ഫോമായാണ് (ബി2ബി മാർക്കറ്റ്പ്ലേസ്) ഇൻഡ് ആപ്പിനെ വികസിപ്പിച്ചിരിക്കുന്നത്.
ഇൻഡ് ആപ് അവതരിപ്പിക്കുന്ന ചടങ്ങിൽ എൻഐആർഡിസി ദേശീയ ചെയർമാൻ ശംഭു സിംഗ്, എൻഐആർഡിസി വൈസ് ചെയർമാൻ ലളിത് വർമ, എൻഐആർഡിസി ദേശീയ അഡ്മിനിസ്ട്രേറ്റർ സുഭീഷ് പി. വാസുദേവ്, എൻഐആർഡിസി (അഡ്മിനിസ്ട്രേഷൻ & എസ്റ്റാബ്ലിഷ്മെന്റ്) ദേശീയ ഡയറക്ടറും മലയാളിയുമായ കെ.വി. പ്രദീപ് കുമാർ, കെ. മനോജ് എന്നിവർ പ്രസംഗിച്ചു.
രാജ്യത്തുടനീളമുള്ള സംരംഭകർക്കിടയിൽ നെറ്റ്വർക്കിംഗ് സുഗമമാക്കുന്നതിനും വ്യാപാരത്തിനു സർക്കാർ പദ്ധതികൾ ലഭ്യമാക്കുന്നതിനുമായി ഒരു ഏകജാലക പ്ലാറ്റ്ഫോമായാണ് ഇതു രൂപകല്പന ചെയ്തിരിക്കുന്നത്.
സർക്കാർ പദ്ധതികളെക്കുറിച്ചുള്ള വിവരങ്ങൾ നൽകുക, മൂലധനലഭ്യത സുഗമമാക്കുക, വ്യാപാരം കൂടുതൽ ആളുകളിലേക്ക് എത്തിക്കുക, പരിശീലനത്തിനും ശേഷി വികസനത്തിനും സഹായിക്കുക എന്നീ സഹായങ്ങൾ ചെറുകിട വ്യാപാരികൾക്ക് ആപ്പിലൂടെ ലഭിക്കും.
സംരംഭകർക്ക് മറ്റു വ്യവസായ ഉടമകളുമായി സമൂഹമാധ്യമങ്ങളിലെന്ന പോലെ ആശയവിനിമയം നടത്താനും ആപ്പിലൂടെ കഴിയും. സബ്സ്ക്രിപ്ഷൻ അധിഷ്ഠിതമായി പ്രവർത്തിക്കുന്ന ആപ് പ്ലേസ്റ്റോറിലും ആപ് സ്റ്റോറിലും ലഭ്യമാണ്.
E-paper LOGIN
LOGIN
